政治籌碼最新走勢

經616事件,各方人物有得有失,哪一方輸最多?哪一方最豐收?一齊來倒數下~
終極大敗大賞:香港警隊!
武力過火、權力過大、通例不從、態度不善、立心不良、專業不足,真係罄竹難書!實至名歸!今晚結論仲謝絕成立獨立調查小組,真係要拜多啲關公學下公關啦唔該!國際社會都睇住架!
一鋪清袋大賞:林鄭月娥!
孤注一擲、不留退路,自然咩都無哂,毫無懸念啦!飲恨輸畀警隊,因為林鄭不論下台、着草、腳痛咩都好,退隱外地又一條好漢。警隊無這條路揀啊!
損失慘重大賞:中央!
習大大揚言30年內要一統中華,香港必須成為台灣的榜樣。畀你今次搞一搞,真係多得林鄭唔少。
陪葬大賞:建制派!
未來議席就肯定流失。不過啲議員常說「我係XXX派,一定要投YYY那票架」,令我感覺這類議員好似無咩自由意志咁。即使喪失議席無份投票,其實你都無咩決定權的話,就無咩損失啦。不過損失份糧,咁罷工罷市都好多人陪你地自斷收入啦。
政治博奕不是零和遊戲,但事件的確有些單位前景變得光明了。來看看甚麼單位賺到了!
民心大賞:胡志偉、鄺俊宇!
一個在槍林彈雨中向前行,一個四出變身忙到暈。事件後一定更多更忠實的支持者!政治的路不易行,願他們步步為營,繼續用「初心」做好「公僕」。
意外收穫大賞:不贊成修例的人!
好多人上街,都抱着「都唔去諗有無用了,只是希望表達」之類心情,結果居然真的奏效。正如Donald Trump式的Bargaining Strategy,ask for撤回,result in暫緩,我估其實好多人都收貨。
終極潛能大賞:年輕一代!
這次運動沒有鮮明的領導者角色,所有後勤物資、前線部署等,完全靠連登、Telegram等社交媒體。看在特首眼中這是有組織的精密部署,我不能完全否定,只能說這種所謂的部署,並不是傳統的部署方式,看似好自發好即興,其實機動力及臨場應變力又好高。有人形容這是年輕一代多打Online Game的思維及行動模式,我覺得形容得幾貼切。年輕一代,10歲未夠就可很輕易地用internet接觸任何資訊,那是老屎佛們好難想像和理解的。莫講話啲離地高官連八達通都唔識用,就算三四十歲未接觸過online策略遊戲的人,都好難進入年輕一代的思維模式。
結論是,未來是屬於年輕一代的,前輩長輩們呀,請盡快學懂放手,讓他們去闖出一片天。

Posts Tagged with…

Write a Comment

你的電郵地址並不會被公開。