留言簿 | 註冊 | 登入     
     歡迎!   訂閱RSS摘要
           hinarthur
     首頁聽故事故事寓言故事
最新回應
相關文章回應者回應日期
索引
寓言故事(12)
寓言故事
2006年02月06日
作嘔作悶

最後更新:2009年07月25日

最近有點心口不太舒服的感覺。一般來說又算不上有甚麼大礙。於是我又發神經,叫醒自己心口那個無牌醫生,跟他說上兩句,看有沒有甚麼發現。

「你邊處唔舒服呀?」

「心口呀!」

「心口咩唔舒服呀?」

「唔……最近呢……有點呢……好奇怪呀……有點呢……作嘔作悶哦。」
「哦!嘔呀?」

「沒有嘔出來,只是有點好像快要嘔吐的感覺。」

「嘔呀,可大可小呀!」

「啊?那……會怎麼樣?」

「可大可小呀!一係就好大件事,一係就好小事。是但一樣。」

我點點頭,說:「嗯,那怎麼辦?」

「哦!咁你,想唔想食酸濕野呀?」

「噢!」我眼前一亮,「你請我吃嗎?好呀!多謝!」

醫生皺一皺眉,說:「鹹濕呀你!咁鹹濕,你因住呀!」

「哦,我會因住。」

他在記錄簿上寫下甚麼符號之後,又跟我說:

「咁你,最近有無食咩食得特別多呀?」

「有呀!最近常去拜年,吃了很多蓮子呀!」

「哦,果啲年生貴子果啲蓮子呀?」

「嗯!沒有膠套,方便嘛。其他甚麼巧克力呀、糖果呀,都包一層套,要吃又要拆,好麻煩。」

「原來係咁。食完蓮子,仲無套果啲。」

「就是就是。那我到底有甚麼病?」

「嗯,好簡單。答案呢,唔洗我講,你遲下自然就知道啦!」

「不行啦,我要現在知道!」

「唔……好,好。睇你既情形呢,只有一種解決辦法。就係去好好讀多啲書啦!」

「多讀點書,就不會作嘔作悶了麼?」

「唔好成日胡思亂想!讀多啲書,就唔會咁無知啦!唔無知,就人都健康啲快樂啲,咁個人就無咁多病痛啦!」

「哦。多謝醫生指點!」
關於網站