發展中的文明面對甚麼困難?

一個只能靠武力解決問題的社會,我們定義為「未開發文明」的社會。
一個只能靠武力解決市民訴求的政府,好合理會定義為「未開發文明」的政府。
一個「未開發文明」的國家,一定是個「發展中國家」。
毫無疑問,國際是應該施以援手,協助發展。
其實「未開發文明」無問題架,又不是罪。你咁可憐豬,幾想抱起你錫錫帶你行返好啲。
問題係,「未開發文明」的政府,點去管治一班「開發左文明」的人民呢?
我同你講證據,你就話「唔洗講,隻揪啦,勝者為王」。
咁好難溝通喎。
其實管治唔到都無問題,不就由得你自治囉。
不過自治下自治下,你又想刷「存在感」,畀啲文明人民知「喂,自治還自治,適度武力是獨家祕製社會主義,幾好架。」
咁又係,邊個話用武力就係「未開發文明」?
不就是「文明」本身下的定義囉!
咁「文明」自己定義話用武力就「唔文明」,自己定義自己,邊有說服力架?我夠可以話:「用武力的文明,才是獨家祕製特色的文明,我們定義為『武文明』。咁得唔得?」
哦,咁嘅然大家都贊同是「無文明」,咁有共識啦。
有共識,咁跟住點?
咁擁抱「武文明」的人,就自己移居到「武文明」的地方生活;自認為價值觀與「武文明」不同的少數2百萬人,就自行到僻遠的自治區自生自滅囉。
咁自治區缺乏中原財雄勢大食材水源支持,好慘慘豬喎!
別理它啦,佢想變返漁村就漁村囉,那些南蠻刁民,同佢地講社會信用評級這種高尚道德情操,簡直是曲高和寡、對牛彈琴。佢地淨係識啲一文不值的虛無概念,叫咩⋯⋯民主喎。係呀,好唔值錢,淘寶都無架。
就係咁簡單,有一小撮同政府價值觀唔啱channel的人,你就直接放逐那些諸如和平獎得主去自治區,免得篤眼篤鼻你都眼冤啦。
你話這片文明自治區,還有利用價值,武文明都好想要埋。咁又唔合邏輯噃!
如果這片自治區有其無法被複製的價值,咁用武文明同化這個地方,它的價值就不復存在了;
如果這片自治區根本沒有特殊價值,咁要同化佢的阻力太大的話就不符合經濟效益,大概由得他自然滅絕就一了百了。
如果你個制度咁好,你咁多個自治區,自然巴不得套用你的制度啦。但結果個個自治區都無好下場,點解呢?
得民心者得天下,崇尚武力治國的,國祚長得去邊?

Posts Tagged with…

Write a Comment

你的電郵地址並不會被公開。